هى الدنيا إيه غير أسئلة و إجابات و شويه حاجات فوق بعض؟

أسئلة..هى الدنيا إيه غير أسئلة و إجابات و شويه حاجات فوق بعض؟!أسئلة

ممكن تكون غريبة
ممكن تكون موجعه
ممكن تكون مستفزة
ممكن تكون ملهاش إجابه
ممكن تكون خايف تجاوبها أصلا


ما تقرأو من غير كلام كتير بقى

على فكرة الاسئلة ملهاش علاقة ببعض خاااااالص هه


ريدى
إستيدى
جووووووووو


تقدر تقوللى أخر كتاب قريته كان أمتى
كتاب مش ميكى جيب و رجل المستحيل هه


اخر مرة صليت الفجر حاضر كان أمتى

لما بتبص لأطفال الشوارع اللى نايمين فى الشوارع فى عز البرد ده
بتقول ايه القرف ده ييييييععععععععع
و لا بتفكر فى طريقه ممكن تحل بيها جزء من مشاكلهم


عمرك فكرت فى الكام ساعة اللى بتقعدهم على النت كل يوم
بتستفاد بيهم فعلا و لا مجرد شات و تضييع وقت و خلاص؟؟؟؟


لو انت خريج تجارة و ابوك معهوش يجيبلك شقه و مرتبك أخره 600 جنيه
تقدر تقول هتحوش تمن الشقه فى اد ايه؟؟؟!!!
لما حسبتها لقيت انك بعد خصم مصاريفك الشهريه و تحويش الباقى
تبقى عايز 15 سنه عشان تحوش 70 الف جنيه عشان تجيب اعفن شقه فى مصر
لكن السؤال الاعجب " هو هتكون في شقه فى مصر بـ 70 الف جنيه
بعد 15 سنه "؟؟!!
هع .... ابقى قابلنى


عمرك فكرت تبقى أحمد زويل او عمرو خالد او صلاح الدين؟؟؟؟؟
على اساس انك مش ناقص رجل ولا هو عنده مخ زياده على رأى ستى


عمرك فكرت تغير حياتك كلها و تغير طريقه أكلك و طريقه شغلك او مجال شغلك أو دراستك؟؟؟؟؟
مش لمجرد التغيير لكن عشان انت محتاج كده فعلا


أخر مره تبرعت بجزء من فلوسك لأى حد او اى جهه محتاجه فلوس كان أمتى؟؟؟؟؟
يا رب تكون فاكر


عمرك قعدت مع نفسك و مسكت ورقه و قلم وفكرت انت عايز تبقى ايه كمان سنتين مثلا
و حطيت خطه عشان كده و لو معملتش كده يبقى معملتش كده ليه؟؟؟؟


على فكرة عندى أسئلة أكتر من كده بكتير أوى
بس أظن الفكرة وصلت
واللى موصلتلوش الفكرة ميخافش

بصى انا هقولك امتى اخر مرة صليت فيها الفجر حاضر بصراحة كانت الاسبوعين اللى فاتوا كنت مواظب وكل يوم بصليه حاضر لما كنت بذاكر بس بصراحة دلوقتى مش مواظب بس بحاول ادينى اقوم من النوم

وانا متهيئلى النت دا من وجهة نظرى نعمة فى البيت للقضاء على الملل اما الاسئلة التانية انا لسه موصلتش للسن بتاعها علشان اجاوب عليها

بصي بالنسبه لصلاه الفجر الحمد لله كل يوم بصليها حاضر وده لان بابا اصل شيخ في مسجد وديما الصلاه اساسي عنده وعندي انا واخواتي وبالنسبه لتغير حياتي انا عملت تغييرر كبيرر في حياتي انا كنت بلا طموح وكنت مقضيه اول سنه في الجامعه تهريج وهزار ومكنتش بزاكر بس في تانيه وتالته فعلا عملت تغيير كبير وغيرت طريقه تفكيري وبقت بهتم بدراستي

مشكوره يا قمر علي الاسئله الجميله ديه

بالنسبه للنت ليه مزايا بس عيوبه اكتر والشاطر اللي يعرف يستفيد منه وميحاولش يضيع وقته