من طرف BessaN El Roo7 الخميس مايو 29, 2008 11:41 pmفى احدى جولاتى المكوكيه على صفحات النت و انا بدور على اى حاجه تنفع لموضوع جديد
وقع تحت ايدى موقع باراك اوباما مرشح الانتخابات الرئاسيه الامريكيه و مع انى مش ضليع اوى فى الانجليزى قدرت افهم منه الراجل ده عاوز ايه و خطته ايه و تاريخ حياته و صور ليه هو و عيلته و فيديوهات للجولات اللإنتخابيه بتاعته ده غير ان الموقع تصميمه رائع
لينك لموقع اوباما
قمت عامل بعدها سيرش عن موقع هيلارى كلينتون المرشحه المنافسه ليه فى الانتخابات و قريت نفس التفاصيل عنها و عن عائلتها و برنامجها و حملتها النتخابيه
لينك لموقع هيلارى
بعد ما خلصت الحوار ده لقيت انى لو مواطن امريكى ابقى عرفت كل التفاصيل اللى عايز اعرفها عن اى مرشح ببساطه من خلال انى اقعد على النت نص ساعه بس ده غير بقى المناظرات بتاعتهم اللى فى التلفزيون و الدعايا بكافه اشكالها
انا فاكر ايام انتخابات الرياسه عندنا لما فتحت موقع الريس وحاولت افهم منه اى حاجه معرفتش .... لا كان فى برنامج و لا صور و لا نيله غير الضربه الجويه و البنيه التحتيه و الأرانب بالملوخيه و ما الى ذلك
طبعا المؤتمرات الانتخابيه عندهم لما تشوفها بالفيديو اللى فى المواقع ديه تلاقيهم قاعدين فى مسرح كبير او استاد كوره و الناس قاعده فى منتهى الشياكه و المرشح واقف و بيتكلم فى المايك الاسلكى و رايح جاى وسط الجماهير بتاعته و يهزر معاهم و يحاورهم بجد و ممكن حد يسأله سؤال يحرجه
مش بقى ينصبو شادر فى الشارع و يجيبو ناس بجوز جنيهات عشان يهتفوا ولازم يكون فى واحد بالصدفه البحته ايوا الله بالصدفه يكون محضر شعر فى سياده المرشح يتحدث فيه عن عظمته و عصمته و اراءه التى لا تخيب ابدا حتى اننى اتسائل هلى يتحدث عن الريس ام يمدح النبى يلا ما علينا
المصيبه السوده بقى ان كل الكعبله اللى عاملينها ديه مش على الانتخابات بتاعه الرئاسه
قال ايه يا ولاد ...... كل ديه انتخابات اسمها الانتخابات التمهيديه و ديه انتخابات موجوده فى امريكا بس و هى ان كل حزب بيعمل انتخابات داخليه بين اعضائه فى كل ولايه عشان ينتخبوا مين اللى هيبقى مرشح الحزب لأنتخابات الرئاسه و لما كل حزب يتفق على اللى هيرشحه يبدأو يعملو الانتخابات المريكيه على الرئاسه و ده بيبقى فى شهر نوفمبر
يعنى كل الاخبار اللى بتيجى على قنوات الاخبار بقالها بتاع اربع شهور طلعت انتخابات تمهيديه بس ... شوفتو خيبيتنا القويه
احنا انتخابات الرياسه عندنا يا حضرات كلها على بعضها مخادتش اسبوعين على بعض
فجأه الدستور اتغير
و فجأه بقى فى بتاع عشر مرشحين مش فاكر منهم و لا اسم
و فجأه برضه بابا حسنى جاب خمسه و تسعين فى الميه يعنى يخش هندسه مرتاح
او تعالى بقى شوف انتخابات "المهلبيات" قصدى المحليات اللى بقت فضيحتنا فيها بجلاجل .....
مع كل تحفظاتنا على امريكا و ما تفعله بنا و بأهلنا فى العراق و ما يفعله ابنها المدلل المسمى بأسرائيل فى اهلنا فى فلسطين
لكن تلك نقرة و تلك نقرة كما يقولون و لا يمكن الا ان نرفع لهم القبعه على ما يفعلونه فى انتخاباتهم
ولك الله يا مصر
وقع تحت ايدى موقع باراك اوباما مرشح الانتخابات الرئاسيه الامريكيه و مع انى مش ضليع اوى فى الانجليزى قدرت افهم منه الراجل ده عاوز ايه و خطته ايه و تاريخ حياته و صور ليه هو و عيلته و فيديوهات للجولات اللإنتخابيه بتاعته ده غير ان الموقع تصميمه رائع
لينك لموقع اوباما
قمت عامل بعدها سيرش عن موقع هيلارى كلينتون المرشحه المنافسه ليه فى الانتخابات و قريت نفس التفاصيل عنها و عن عائلتها و برنامجها و حملتها النتخابيه
لينك لموقع هيلارى
بعد ما خلصت الحوار ده لقيت انى لو مواطن امريكى ابقى عرفت كل التفاصيل اللى عايز اعرفها عن اى مرشح ببساطه من خلال انى اقعد على النت نص ساعه بس ده غير بقى المناظرات بتاعتهم اللى فى التلفزيون و الدعايا بكافه اشكالها
انا فاكر ايام انتخابات الرياسه عندنا لما فتحت موقع الريس وحاولت افهم منه اى حاجه معرفتش .... لا كان فى برنامج و لا صور و لا نيله غير الضربه الجويه و البنيه التحتيه و الأرانب بالملوخيه و ما الى ذلك
طبعا المؤتمرات الانتخابيه عندهم لما تشوفها بالفيديو اللى فى المواقع ديه تلاقيهم قاعدين فى مسرح كبير او استاد كوره و الناس قاعده فى منتهى الشياكه و المرشح واقف و بيتكلم فى المايك الاسلكى و رايح جاى وسط الجماهير بتاعته و يهزر معاهم و يحاورهم بجد و ممكن حد يسأله سؤال يحرجه
مش بقى ينصبو شادر فى الشارع و يجيبو ناس بجوز جنيهات عشان يهتفوا ولازم يكون فى واحد بالصدفه البحته ايوا الله بالصدفه يكون محضر شعر فى سياده المرشح يتحدث فيه عن عظمته و عصمته و اراءه التى لا تخيب ابدا حتى اننى اتسائل هلى يتحدث عن الريس ام يمدح النبى يلا ما علينا
المصيبه السوده بقى ان كل الكعبله اللى عاملينها ديه مش على الانتخابات بتاعه الرئاسه
قال ايه يا ولاد ...... كل ديه انتخابات اسمها الانتخابات التمهيديه و ديه انتخابات موجوده فى امريكا بس و هى ان كل حزب بيعمل انتخابات داخليه بين اعضائه فى كل ولايه عشان ينتخبوا مين اللى هيبقى مرشح الحزب لأنتخابات الرئاسه و لما كل حزب يتفق على اللى هيرشحه يبدأو يعملو الانتخابات المريكيه على الرئاسه و ده بيبقى فى شهر نوفمبر
يعنى كل الاخبار اللى بتيجى على قنوات الاخبار بقالها بتاع اربع شهور طلعت انتخابات تمهيديه بس ... شوفتو خيبيتنا القويه
احنا انتخابات الرياسه عندنا يا حضرات كلها على بعضها مخادتش اسبوعين على بعض
فجأه الدستور اتغير
و فجأه بقى فى بتاع عشر مرشحين مش فاكر منهم و لا اسم
و فجأه برضه بابا حسنى جاب خمسه و تسعين فى الميه يعنى يخش هندسه مرتاح
او تعالى بقى شوف انتخابات "المهلبيات" قصدى المحليات اللى بقت فضيحتنا فيها بجلاجل .....
مع كل تحفظاتنا على امريكا و ما تفعله بنا و بأهلنا فى العراق و ما يفعله ابنها المدلل المسمى بأسرائيل فى اهلنا فى فلسطين
لكن تلك نقرة و تلك نقرة كما يقولون و لا يمكن الا ان نرفع لهم القبعه على ما يفعلونه فى انتخاباتهم
ولك الله يا مصر
